Partia Demokratike do të mbledhë ditën e sotme Kuvendin Kombëtar të thirrur nga Komisioni i Rithemelimit. Kuvendi do të mblidhet në orën 10:00 në Pallatin e Kongreseve, ku pritet të marrin pjesë rreth 1800 delegatë.
Kuvendi i sotëm pritet të miratojë një sërë ndryshimesh statutore, ndërsa do të zgjidhen dhe 150 anëtarët e rinj të Këshillit Kombëtar të PD dhe Kryesia që do të drejtojë partinë deri në momentin e zgjedhjes së kryetarit të ri që sipas ish-kryeministrit Sali Berisha do të zgjidhet në datën 22 maj.
Mësohet se në Kuvend do të mbajnë fjalën rreth 20 folës që do të përcjellin mesazhet e tyre, mes të cilëve do të ketë dhe të rikthyer si Jozefina Topalli apo Rudina Hajdari, ndërsa Kuvendi do të kulmojë me fjalën e ish kryeministrit Berisha, i cili ka shpallur kandidaturën për tu rikthyer sërish në krye të PD.
Discussion about this post