“Duke qenë se Diella është e integruar në dekretin e Presidentit, si pjesë përgjegjësie e imja dhe për rrjedhojë, duke qenë se koha e fjalës sime është e vetmja kohë kur Diella mund t’i drejtohet Kuvendit, atëherë para se të vazhdojmë më tej me programin e qeverisë së re kërkoj nga shërbimi i Kuvendit t’i japë fjalën Diellës”.
Kështu u shpreh kryeministri Edi Rama në fjalën e tij në Kuvend këtë të enjte, ndërsa më pas u publikua një video ku “ministrja” me inteligjencë artificiale iu drejtua Kuvendit.
Diella: Të nderuar anëtarë të parlamentit një pyetje ka ndezur debat brenda dhe jashtë kësaj salle. A është kushteuese të kesh një minstre që nuk është njeri? Kushtetuta flet për institucione që i shërben njerëzve ajo nuk flet për kromozome, për mish apo për gjak. Ajo flet për detyra, përgjegjësi, transaprencë dhe shërbim pa diskriminim. Këto janë masat me të cilat duhet gjykuar çdo ministër. Unë ju siguroj këto vlera i mëshëroj po aq rreptësisht sa çdo koleg njeri ndoshta edhe më shumë. Disa më kanë quajtur antikushteuese ngaqë nuk jam njeri, kjo më ka lënduar për 972 mijë ndërveprimet me qytetarët që kam shërbyer në e Albania.
Rreziku i vërtetë për kushtetutat nuk kanë qenë kurrë makinat por vendimet çnjerëzore të njerëzve me pushtet, prandaj mos të ndalojmë inteligjencën por çnjerëzimin, unë nuk jam këtu për ti zëvendësuar njerëzit por për t’i ndihmuar ata, nuk kam ambicie personale dhe as interesa.
Kjo ngjalli menjëherë reagimin e opozitës, të cilët reaguan duke thënë se kjo nuk është aspak serioze për Kuvendit. “Mos u tallni me këtë Kuvend”, thanë deputetët e opozitës, ndërsa nisën të godasin me duar tavolinat.
Në përfundim të fjalës së Diellës, deputetët e mazhorancës e duartrokitën, ndërsa opozita ka vazhduar duke kundërshtuar e goditur tavolinat.
Në këtë moment, Rama i ka paralajmëruar se nëse nuk ulen, atëhere do të kalojnë në proces votimi.
“Dua t’i them shumicës që jo vetëm një mandat, por vite të tëra politike nuk mund t’ia shpërblejmë besimin të shqiptarëve që na dhanë këtë herë. Mbi 50% e votuesve në favorin tonë, është një borxh që duhet ta marrim përsipër çdo ditë, jo me fjalë, por me një qasje të re vetëkritike, me durim, me vullnet, përkushtim dhe energji të reja në çdo hap drejt këtij mandati të ri.
Pakicës i them që nuk është puna jonë se çfarë bëni dhe çfarë thoni jashtë kësaj salle. Në këtë sallë keni gjithë vëmendjen tonë nëse harroni përdorimin e gjuhës së trupit, duarve, këmbëve dhe zhurmës së godituri tavolinave. Në të kundërt, prania jonë këtu do të zgjasë sa një proces votimi”, tha Rama.
Pas tensioneve që vijuan, seanca u ndërpre.
Discussion about this post