Lidhur me situatën e tensionuar që ndodhi ditën e sotme në seancën plenare në Kuvend, ka reaguar edhe Lëvizja Socialiste për Integrim.
Në reagimin e tyre, LSI sqaron se shërbimi i seancave në Kuvendin e Shqipërisë nuk ka lajmëruar asnjë nga deputetët e kësaj partie, në mënyrë që të bëjnë propozimet e tyre në lidhje me pjesëmarrjen në komisionet parlamentare.
“Të dashur kolegë! Një sqarim lidhur me situatën e krijuar në seancën e sotme. Shërbimi i Seancave në Kuvendin e Shqipërisë nuk ka lajmëruar asnjë nga deputetët e LSI, në mënyrë që të bëjnë propozimet e tyre në lidhje me pjesëmarrjen në komisionet parlamentare. Kryetarja e Kuvendit, Lindita Nikolla pranoi kërkesën e LSI dhe për këtë arsye miratimi i përbërjes së komisioneve parlamentare u shty për në seancën tjetër” – thuhet në njoftimin e LSI.
