Me anë të një videoje të publikuar në facebook, kryetarja e LSI-së, Monika Kryemadhi thotë se ky është mashtrimi qeveritar, që i akordoi bujqësisë vetëm 3.2 miliardë lekë, jo 7.1 miliardë, aq sa kishte thënë Rama dikur.
Kryemadhi thekson se Rama, që e quajti gënjeshtar kronik në krye të qeverisë, votoi kundër fermerëve sot pasdite në parlament!
“Pasi bëri shown e mëngjesit me ta, gënjeshtari kronik në krye të qeverisë votoi kundër fermerëve sot pasdite në parlament! Ky ishte një nga propozimet e LSI për buxhetin, që e rrëzuan me arrogancën e kartonave.
Amendamenti ynë për zhvillimin rural, i jepte një shans Kryeministrit dhe Ministres që të mbanin fjalën, siç e kanë dhënë me zë e figurë në video. Sot mazhoranca nuk ka votuar 7.1 miliard mbështetje për fermerin dhe zhvillim rural siç kishin propaganduar. LSI kërkoi rritje të mbështetjes për bujqësinë, por qeveria vijoi propagandën e lugës bosh. Për saktësim, ndryshe nga ç’mendon qeveria, paga e ministres nuk është mbështetje direkte për fermerët e vendit” ” – shkruan Kryemadhi.
Kujtojmë se ditën e sotme, në votimin e buxhetit 2022, Kuvendi ka rrëzuar amendamentet e propozuara nga LSI.
Discussion about this post