Në një prononcim për mediat Kryetari i Bashkisë së Shkodrës, Bardh Spahia ka dhënë një mesazh për ata deputetë të PD që refuzuan ftesën për të qenë sot në Kuvend. Spahia deklaroi se dera do të ishte gjithmonë e hapur për ta dhe të gjithë duhet të mendojnë për bashkimin e PD dhe rritjen e sa. “Dera e partisë Demokratike do të jetë gjithmonë e hapur për çdo demokrat dhe për këdo që dëshiron të kontribuojë. Mesazhi im është thirrja për ta që t’i bashkohen vullnetit të demokratëve. Kjo është kryefjala dhe nuk besoj se ka qytetarë apo politikanë që refuzojnë këtë proces ku në krye është vota e lirë”, u shpreh ai.
Ndër të tjera, Spahia ka folur për ndryshimet e ndërmarra në statutin e PD në mbledhjen e Kuvendit Kombëtar. Spahia deklaroi se ndryshimet e votuara ditën e sotme do të përmirësonin efikasitetin e strukturave të PD-së si dhe do të sillnin bashkim të demokratëve. “Ishin të gjitha pikatë cilat jo vetëm synonin përmirësimin e efikasitetit të strukturave të PD por edhe pika në funksion të hapjes së partisë në mënyrë që të sjellë një bashkim të demokratëve”, u shpreh a.
Discussion about this post