KUVENDI/ Spiropali ironizon Bardhin: Mos qesh Gaz se shumë gaz të papërmbajtur këtë kohë

Në seancën e sotme në Kuvend deputeti i Partisë Demokratike, Agron Shehaj, ka thirrur në interpelancë kryeministrin Edi Rama.

Në mungesë të kreut të qeverisë, i cili ndodhet në samitin e BE-së në Bruksel, pritet që interpelanca të zhvillohet me Elisa Spiropalin, ministre e Shtetit për Marrëdhënien me Parlamentin.

Gjatë fjalës së saj në foltore ajo u përplas me deputetin demokrat Gazment Bardhin. Spiropali e konsideron absurde ngritjen e një gjyqi popullor për ngritjen e komisionit për investimet strategjike. Në këtë moment deputeti demokrat qesh, ndërsa ministrja Spiropali e ironizon duke i thënë se së fundmi ka qenë shumë në gaz.

Do të ishte më mirë që këtë interpelancë ta kishte bërë një tjetër deputet. Ju zoti Shehaj si një njeri që e keni njohur suksesin në biznes, duhet që të ishit treguar më mirëkuptues, absurde për ngritjen e një gjyqi popullor, po tentoni të cënoni thelbësisht reputacionin e subjekteve investuese

Gazment Bardhi flet nga vendi dhe qesh

Elisa Spiropali: Mos qesh Gaz se shumë gaz të papërmbajtur këtë kohë

Gazment Bardhi flet nga vendi

Elisa Spiropali: Më lejoni t’ju them se fortuna që ngrini në gotat tuaja, është zukatje grerëzash

Gazment Bardhi flet nga vendi

Elisa Spiropali: Mos fol nga vendi. Ato investime janë një potencial

Gazment Bardhi flet nga vendi

Lindita Nikolla: Zoti Bardhi ju është bëtë zakon, mos flisni nga vendi.

Elisa Spiropali: Dua të sqaroj qytetarët se statusi i investitorit strategjik nuk është një dhuratë, është një e drejtë ligjore që u jepet atyre kundrejt një të mire që i sjellin këtij vendi.