Kryetarja e Kuvendit Lindita Nikolli kundërshtoi kërkesën e paraqitur nga Gazment Bardhi për zhvillimin e debatit gjatë seancës së sotme, ku u votuan dekretet e Presidentit për shkarkime dhe emërime ministrash.
Nikolla tha se Rregullorja e Kuvendit ka të përcaktuar qartë se si zhvillohen seancat në rastet e votimit të dekreteve të Presidentit. Ajo tha se nuk ka debate dhe në kushte të tilla, kalohet direkt në votim.
Deputetë të opozitës kërkuan fjalën për procedurë, por ajo nuk iu dha nga Kryeparlamentarja, e cila kaloi për votim të gjitha dekretet e Presidentit.
Ajo që tërhoqi vëmendjen nga votimi i dekreteve ishte se shkarkimi i Ogerta Manastirliut si ministre e shëndetësisë mori 110 vota pro, ndërsa pas saj renditet Frida Krifca me 107 vota pro shkarkimit. Gjithashtu dekreti për emërimin e Manastirliut në postin e ministres së Arsimit kishte mbështetjen e 72 deputetëve, ndërkohë që dekretet e tjera të emërimit të ministrave të rinj kishin 73 dhe 74 vota.
Rezultatet e votimit
Votimi për shkarkimin e Olta Xhaçkës si ministre e Mbrojtjes, 95 pro shkarkimit, 1 kundër, asnjë abstenim.
Dekreti për shkarkimin e Ogerta Manastirliut si ministre i Shëndetësisë, u votua me 110 pro, asnjë abstenim, asnjë kundër.
Dekreti për shkarkimin e Evis Kushit si ministre e Arsimit me 99 pro, 1 abstenim, 3 kundër
Dekreti për shkarkimin e Frida Krifcës si ministre e Bujqësisë me 107 vota pro, asnjë abstenim, asnjë kundër.
Dekreti për shkarkimin e Edona Bilalit si ministre e Sipërmarrjes me 102 vota pro, 4 kundër, asnjë abstenim.
Dekreti për shkarkimin e Milva Ikonomit si ministre Shteti me 98 pro, 2 abstenim, 2 kundër.
Dekreti për lirimin e Ervin Metes si drejtor i AMF-së, mori 95 pro, 1 abstenim.
Dekreti për emërimin e Arbian Maznikut si ministër Shteti për Pushtetin Vendor mori 73 vota pro, 35 kundër, asnjë abstenim.
Dekreti për emërimin e Albana Koçiut si ministre Shëndetësie mori 73 vota pro, 1 abstenim, 32 kundër.
Dekreti për emërimin e Igli Hasanit si ministër për Evropën dhe Punët e Jashtme me 74 vota pro, 33 kundër, asnjë abstenim.
Dekreti për emërimin e Ogerta Manastirliut si ministre e Arsimit mori 72 pro, 38 kundër, asnjë abstenim.
Dekreti për emërimin e Anila Denajt si ministre e Bujqësisë, 73 vota pro, 27 kundër, asnjë abstenim.
Discussion about this post