SPAK i ka kërkuar Kuvendit autorizimin për arrestimin e deputetit Arben Ahmetaj, ish-zv.Kryeministër. Kërkesa e SPAK do të shqyrtohet pasditen e së martës nga Komisioni për Mandatet dhe Rregulloren, ndërsa PS në një mbledhje të Grupit Parlamentar ka vendosur që të miratojë kërkesën e Prokurorisë Speciale.
Gazetari Lorenc Vangjeli i ftuar në emisionin ‘Kontrast’ Tv ka zbuluar detaje në lidhje me dosjen e ish-ministrit.
Sipas Vangjelit, dy pikat kryesore ku po heton SPAK janë dy vilat e Arben Ahmetajt, njëra në Hamallaj dhe tjetra në një resort në jug të vendit, të cilat ish-ministri nuk i justifikon dot.
Më tej Vangjeli tha se një nga vilat, sipas pretendimit të Ahmetajt i përket një shtetase zvicerane.
”Ky është rasti i parë i një zyrtari të lartë për pasuri. Nëse kishte probleme shihej gjithë zinxhiri që është marrë me këtë gjë. Ndjekja e parave do të sillte dhe problematikat.
Unë e njoh dosjen e Ahmetajt dhe dy janë pikat në të cilat SPAK ka dyshime të arsyeshme qoftë vila në Hamallaj, qoftë vila tjetër në një resort në jug të vendit, të cilat janë të pajustifikuara. Në rastin e parë ka ndodhur dyshimi se vila është dhënë nga një prej pronareve të incerenatorëve, i cili nuk ka qenë pronar.
Pagesat janë bërë nga kanale bankare. Burimi thuhet se ka të bëjë nga të ardhurat e bashkëjetueses së Ahmetajt. Te e dyta pronari i vërtetë i kësaj vile sipas pretendimit të Ahmetaj dhe studios ligjore, është një shtetase zvicerane e cila ka shkuar në SPAK dhe ka deklaruar me vullnetin e lirë mundësinë e saj për të krijuar këtë pronë dhe për ta gëzuar sipas shtetit shqiptar.
Po jetojmë në kohë të vështira. Mëkatarët sot kanë shumë frikë pasi për herë të parë për 30 vjet po tenton të vendoset balanca dhe kontrolli nëpërmjet 3 pushteteve. Pushteti komandohet nga socialistët ndërkohë që për makthin e të gjithëve e për cinikët pushteti gjyqësor po lufton për ti dhënë këtij pushteti pavarësinë nga politika’’, tha Vangjeli.
Discussion about this post