Policia e Tiranës ka goditur një rast të shfrytëzimit të qendrave të masazheve për ushtrim prostitucioni. Si pasojë e këtij operacioni u arrestua Kristina Halili, e cila rekrutonte vajzat, dhe një prej vajzave që ishte punësuar.
Kristina Halili është motra e administratorit të qendrës, Kristos Halili, i cili është shpallur në kërkim nga policia.
Bëhet me dije se 23-vjeçari Kristos Halili, përdorte motrën e tij për të rekrutuar vajza të reja me qëllim shfrytëzimin e tyre për prostitucion.
Në cilësinë e provës materiale u sekuestruan 60 500 lekë të rinj, të dyshuara të përftuara nga kjo veprimtari e kundërligjshme. Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.
Discussion about this post