Personi që shihni në foto është polici i burgut 313 i cili u dhunua me shkop bejsbolli nga tre persona mëngjesin e kësaj të shtune në zonën e Yzberishtit në Tiranë.
Ngjarja ka ndodhur rreth orës 05:00, në rrugën “Tre Dëshmorët”. Arbër Labi, 36 vjeç, punonjës pranë burgut 313, sapo ka dalë nga banesa është goditur me sende të forta nga tre persona ende të paidentifikuar.
Pasi e kanë dhunuar, ata i kanë marrë armën e shërbimit dhe më pas janë larguar.
Aktualisht 36-vjeçari ndodhet në spital në kujdesin e mjekëve, jashtë rrezikut për jetën, thotë policia.
Në dëshminë paraprake, efektivi Labi ka thënë që dyshon për shkak të detyrës. Megjithatë për hetuesit po hetohet dhe pista tjetër e ndonjë konflikti me persona të tjerë që nuk ka lidhje me punën si efektiv burgjesh. Gjithashtu bëhet me dije se i riu për të siguruar të ardhura financiare më shumë, punonte edhe në lokale nate ku mund të ketë patur ndonjë konfliktit me autorët që më pas e dhunuan.
Discussion about this post