Uest Ham United nuk ka bërë asnjë nënshkrim këtë verë, edhe pse sezoni i ri i Ligës Premier fillon javën e ardhshme. Sipas Guardian, ka tension mes trajnerit David Moyes dhe drejtorit të ri teknik të klubit, Tim Steidten. Situata cilësohet si rrëmujë.
Strategu dëshiron të paktën dy mesfushorë për të zëvendësuar Declan Rice dhe ai dëshiron lojtarë me përvojë në Ligën Premier . Ai ka hezituar të pranojë objektivat e Steidten.
Në veçanti, kryetrajneri do të donte të afronte James Ward-Prowse nga Southampton, por Saints kërkojnë në 45 milionë euro, ndërsa West Ham e vlerëson atë në jo më shumë se 30 milionë. Ndoshta nuk ndihmon fakti që të gjithë e dinë për 116 milionë euro që Hammers morën nga shitja e Rice.
West Ham ka qenë i lidhur me një mori lojtarësh, afrime potenciale cilësore si Scott McTominay, Conor Gallagher, Joao Palhinha dhe Edson Alvarez. Harry Maguire është gjithashtu një objektiv për të mbështetur mbrojtjen.
Megjithatë, asnjëri prej tyre nuk është fotografuar ende me fanellën e klubit anglez. West Ham duhet të jetë i vetëdijshëm për rreziqet e mos nënshkrimit të lojtarëve. Verën e kaluar, Leicester City nuk nënshkroi asnjë lojtar të vetëm derisa u kap paniku në ditët e fundit të afatit kalimtar të verës. Pasoja ishte që tani janë në Championship. Vetë West Ham përfundoi në vendin e 14-të sezonin e kaluar, vetëm disa pikë mbi zonën e rënies.
Dhe së fundi, Hammers do të luajnë në Ligën e Evropës këtë sezon dhe do të kenë nevojë për një stol të mirë për të rotacion lojtarët. Është vërtet koha për të nxituar.
Discussion about this post