Vinicius Júnior u mbështet nga i gjithë Santiago Bernabéu pas gjithçkaje që ndodhi në Valencia. Sulmuesi brazilian ishte në tribunën VIP të stadiumit me Florentino Pérez dhe të dy ndanë mendime të ndryshme.
Gjatë lojës u arrit të verifikohej që marrëdhënia president-lojtar është e jashtëzakonshme dhe kjo u dëshmua. Kamerat po i ndiqnin të dy dhe shihej se si po komentonin vazhdimisht ndeshjen.
Vinicius dhe Florentino Pérez ndanë disa sekrete dhe një prej tyre ishte për nënshkrimin e ri që Real Madrid ka bërë për sezonin e ardhshëm. Shefi i skuadrës merenge i tha se ky lojtar do të jetë partneri i tij shumë shpejt.
Konkretisht, të dy folën për Fran García, mbrojtësi i majtë i Rayo Vallecanos, i cili filloi si titullar në Bernabéu. Presidenti i ka thënë të jetë i vëmendshëm ndaj numrit ‘3’ të skuadrës kundërshtare, sepse: “është tashmë i yni”, siç ka mësuar DefensaCentral.
Vinicius Júnior tashmë e njeh atë nga ndeshjet e tjera dhe e di se ai është një lojtar i mrekullueshëm. Krahas kësaj, braziliani do të ketë një marrëdhënie të drejtpërdrejtë me lojtarin e Rayo Vallecano, pasi që të dy do të ndajnë dhomën e zhveshjes sezonin e ardhshëm.
Sulmuesi nga Rio de Zhaneiro po e ka të vështirë të gjejë komplementin e tij perfekt në krahun e majtë. Fran García do të vijë si elementi i duhur në një skuadër kaq sulmuese dhe te mbretërorët nuk kanë asnjë dyshim se ai do të kombinohet në mënyrë perfekte me Vinicius.
Discussion about this post