Kryeministri në largim i Malit të Zi, Dritan Abazoviq, së bashku me ministrin e Punëve të Brendshme, Filip Axhiq, kanë vizituar banesën ku është hapur një tunel, i cili të dërgon në Gjykatën e Lartë në Podgoricë.
Tuneli, i cili u minua nën ndërtesën e Gjykatës së Lartë në Podgoricë, të dërgon në banesën përballë ndërtesës së gjykatës, e cila është në pronësi private, gjë të cilën e kishte konfirmuar edhe ministri i Brendshëm malazez, Filip Axhiq.
Sipas ministrit, aksioni është përgatitur prej kohësh dhe i ngjante filmave aksion ndërsa është edhe sulm ndaj sistemit dhe shtetit, raporton N1.
Depoja e Gjykatës së Lartë në Podgoricë është thyer përmes një tuneli nëntokësor të zbuluar nga punonjëset a gjatë inventarizimit të sendeve të depozituara.
Një punonjëse ndjeu një fluks ajri të ftohtë dhe më pas së bashku me një kolege, pas një vitrine, gjeti një vrimë të hapur në mur.
Kryetari i Gjykatës së Lartë, Boris Saviq, dyshoi se personi që gërmon tunelin u përpoq t’i afrohej dhomës së paraburgimit dhe se mund të kishte pasur një tentativë për t’u arratisur.
Një depo plot prova
Materiali provues për pothuajse të gjitha proceset gjyqësore ruhen në depon e gjykatës.
Dokumentet dhe rastet e veprave penale mbahen në cilësinë e provës dhe rreth 9.5 ton drogë, nga të cilat dy ton kokainë dhe shtatë ton marihuanë.
Saviq theksoi se depoja nuk ruan kompjuterët e Doa Kwon, tregtarit të arrestuar të kriptovalutave, i cili ishte në qendër të aferës para zgjedhjeve parlamentare të 11 qershorit.
Vijesti raportoi se çështja ndaj klanit kriminal të Kavacit është një nga ato të kontrolluara në depon e Gjykatës së Lartë të Podgoricës, pasi mafia gjeti rrugën për të hyrë në ambientet e atij institucioni.
Një foto e një vrime të zbuluar në depon e Gjykatës së Lartë që dërgon në një tunel poshtë ndërtesës është publikuar më parë në rrjetet sociale.
Apartamenti që të dërgon përmes një tuneli nëntokësor në ndërtesën e gjykatës është marrë me qira dy muaj më parë dhe aktualisht po kryhen kërkimet për ata që kanë qëndruar aty. Gjatësia e tunelit është 30 metra.
Hetimi duhet të përcaktojë se si është thyer depoja e Gjykatës së Lartë duke rishikuar video-përgjimin, ekspertimin e gjurmëve të marra gjatë hetimit, si dhe testimin poligrafik të punonjësve të atij institucioni. Gjithashtu, pas inventarizimit të provave nga depoja do të bëhet e ditur nëse diçka mungon.
Abazoviq: Mafia nuk do ta mposhtë shtetin
Pas vizitës në banesë, Abazoviq tha se dikush nga Gjykata e Lartë duhet të përfshihet në këto aktivitete sepse fillimi i gërmimit të tunelit përkon me fillimin e rinovimit të gjykatës dhe se do të kërkojë përgjegjësi prej përfaqësuesve të atij institucioni.
“Mafia sado e fortë të jetë financiarisht, sado mbështetje të ketë brenda institucioneve të sistemit, përfshirë drejtësinë, nuk do ta mposhtë shtetin. Shkalla në të cilën karteli i drogës është i përfshirë në Mal të Zi është përtej çdo gjëje që mund të imagjinohet. Besoj se janë shumë të shkatërruar dhe këto janë lëvizje të të dëshpëruarve, ndoshta në drejtim të kontaminimit të provave. Por këtu, siç janë përpjekur më parë, mendoj se edhe kjo është penguar dhe se duhet të kujdesemi që ata që e kanë bërë këtë të dalin para drejtësisë”, tha Abazoviq.
Discussion about this post