Banorët e “5 Majit” kanë dalë mëngjesin e sotëm në protestë kundër shembjes së shtëpive të tyre. Zona është rrethuar nga forca policore, ndërsa disa banorë janë shoqëruar në komisariat. Ata akuzojnë qeverinë e Bashkinë Tiranë, për veprimin kriminal të shembjes së banesave.
“Kjo qeveri kriminale me në krye Ramën e Erion Veliaj. Zemra më plastë e jetën mos e gëzofshin, ky është shtet hajdut e trathtar. Ky shtet të vret natën! Djemtë e mi kanë punu gjithë jetën, po më ndalet fryma. E mjera Shqipëri kë ka në krye, rroft Turqia e Serbia. Turp, turp, turp!”, është shprehur një nga banorët.
“Në botë nuk ka ndodh te ne, ça bëhet kështu? Të më kapin zvarrë mua. I kam regjistruar dhe pse jam e moshuar. Dua rrobat që do vesh edhe kur të vdes, i kam lënë brenda.. -Pa ta pi kafen, o Erion Veliaj nuk e lej. Vetëm po më vrave, je tu m’cenu nënën, motrën, jetën. Mbaje mend o Erion! Nuk mbrohesh dot gjithmonë me policë, do kesh luftë deri në fund. Këtu do ketë luftë”, janë shprehur të revoltuar banorët.
Discussion about this post