Detaje të reja kanë dalë nga ngjarje rëndë tronditi Fushë-Krujën më 24 tetor, kur 10 person hynë në banesën e biznesmenit Nazmi Çangu, ndërsa ai dhe gruaja me katër fëmijët flinin. Grupi hetimor bën me dije së është arritur të Identifikohet një nga autorët e grabitjes. Mësohet se nga materialet e gjetura nga grupi hetimor ka rezultuar se AND-ja e një fije floku, e cila u gjet brenda një kapeleje, i përket një qytetari nga Laçi, por që jeton në Tiranë.
Kujtojmë se atë ditë u raportua që, grabitësit morën kryefamiljarin Nazmi Çangu, e mbyllën në një dhomë ndërsa anëtarët e tjerë të familjes, gruan dhe fëmijët, në katin e tretë. Më pas biznesmenin e torturuan për t’i marrë çelësin e kasafortës nga ku më pas kanë arritën të merrnin para dhe bizhuteri me vlerë 100 mijë euro. Në prononcimi e asaj dite Çangu tha se nuk mundi t’i njihte autorët, por deri më tani policia ka disa emra të dyshuar si të përfshirë në grabitjen e dhunshme të banesës së Çangut.
Mësohet se ka pasur kontrolle në banesa dhe zona ku dyshohet se qëndrojnë autorët, ndërsa përpjekjet për vendosjen e tyre në pranga kanë qenë jo të suksesshme. Zbulimi i tij është bërë përmes gjurmëve që janë lënë pas nga autorët në banesën e Çangut gjatë pengmarrjes për disa orë, dhunimit të kryefamiljarit e më pas grabitjes të shumës së 100 mijë eurove.
Ndërkohë, pamjet filmike, provat në vendngjarje, dëshmitë e Nazmi Çangut por edhe të familjarëve, kanë qenë të mjaftueshme për zbardhjen në kohë të shpejtë të kësaj ngjarje, por sipas burimit, ka pasur jo pak pengesa për t’i shkuar deri në fund.
Nga kamerat e sigurisë në banesën e Nazmi Çangut, rezulton se autorët kanë qenë më shumë se 6 persona, të cilët kanë lënë pas shumë material për t’i nxjerrë zbuluar. Ndërkohë që ende nuk dihet sesi kanë mundur që të futen në banesën e biznesmenit në orët e para të mëngjesit të 24 tetorit.
Discussion about this post