Një ngjarje e rëndë ka ndodhur ditën e djeshme në fshatin Zllakuqan të Klinës. Mark Ademi është i riu i cili u qëllua më armë zjarri pas një përleshjeje.
Mësohet se i ndjeri ishte baba i pesë fëmijëve, të cilët mbetën jetimë pas ngjarjes së rëndë. I dyshuar në lidhje me këtë ngjarje është Anton Ndrecaj.
Ai dyshohet se ka qëlluar mbi Ademin pas një përleshje për motive të cilat janë ende të paqarta. Në bazë të dyshimeve të ngritura nga policia, Ndrecaj dhe dy të afërm të tij u vunë në pranga.
Bëhet me dije se, viktima dhe autori janë kushërinj mes tyre, dhe vrasja ishte paraprirë nga një debat i fortë që ata kishin pasur në ambientet e një lokali.
Së fundmi, pas arrestimit të tre të dyshuarve, nisën bastisjet në disa lokacione, që rezultuan me konfiskimin e dy snajperëve, një arme të gjuetisë dhe një revoleje.
Discussion about this post