La Liga kërkon që lojtarët të lahen dhe ndërrohen në shtëpi

La Liga ka vendosur rregulla të reja për shkak të rritjes së rasteve me Covid-19 në Spanjë dhe Evropë.

Rritja e infektimeve në La Liga, përfshirë këtu klube si Real Madrid dhe Athletic Bilbao, ka bërë që të merren vendime të rrepta.

Ndërsa nuk është prekur ende aq keq sa Premier League, liga kryesore spanjolle ka bërë ndryshime që të mbrohet sadopak nga virusi.

Tashmë lojtarët dhe stafi duhet të bëjnë patjetër test çdo ditë para stërvitjeve dhe ndeshjeve, po ashtu ata duhet të bëjnë patjetër testin e PCR-së para se të kthehen nga pushimi i Krishtlindjes.

Ndër të tjera klubet janë këshilluar t’iu kërkojnë lojtarëve të mos lahen në dhomat e zhveshjeve si dhe të mos ndërrohen aty për ta kufizuar kontaktin me njëri-tjetrin, por  të shkojnë të veshur gati për stërvitje.

Lojtarëve u është thënë të lahen në shtëpitë e veta apo në hotel, megjithëse ky nuk është rregull që duhet zbatuar patjetër./K.T.Gijotina.com