Las Palmas ka marrë mbrëmë një fitore shumë të rëndësishme në garën për mbijetesë në La Liga, duke fituar në frymën e fundit 1-0 ndaj Atletico Madridt, ndeshje e vlefshme për javën e 32-të.
Goli i vetëm i takimit u shënua në minutat shtesë nga Javier Munoz. Me këtë humbje të marrë sot, Atletico Madrid duhet të kënaqet me vendin e tretë këtë sezon. “Colchoneros” renditen të tretët me 63 pikë, tre pikë më pak se Reali i vendit të dytë, i cili luan nesër ndaj Athletic Bilbao dhe dhjetë pikë më pak se Barcelona e vendit të parë.
Një sezon i dështuar ky për Atletico Madridin, pasi nuk ka arritur asnjë nga objektivat e fillim sezonit, ku pretendonte të paktën për një trofe dhe që do të rivalizonte deri në fund Barcelonën dhe Realin në garën për titullin.
Ndërsa Las Palmas renditet në vendin e 17-të dhe është në rrezik serioz për të rënë nga La Liga, kur duhen edhe 6 javë nga fundi i sezonit.
Discussion about this post