Policia ka shpallur në kërkim një 35-vjeccar, i cili dyshohet se me një nga stolat e stadiumit ka goditur gjyqtarin e ndeshjes Aloponia-Vora, takim i luajtur ditën e shtunë në stadiumin e Fierit “Loni Papucciu”.
“Po punohet për kapjen e shtetasit A. Xh., 35 vjeç, banues në Tiranë, pasi më datë 11.11.2023, rreth orës 16:30, pas përfundimit të ndeshjes së futbollit Apollonia-Vora, ka dëmtuar stolat e stadiumit ‘Loni Papuçiu’ dhe me njërin prej tyre, ka goditur gjyqtarin e ndeshjes, shtetasin B. Z., 44 vjeç’, njoftoi policia.
35-vjeccari akuzohet për veprat penale ‘Goditja e sportistit, trajnerit, arbitirit, ndërmjetësit sportiv’ dhe ‘Shkatërrimi i pronës’.
Gjyqatri i katërt i takimit Apolonia-Vora, Blerim Ziri, u godit me sende të forta, ndërsa humbi ndjenjat për disa sekonda, por fatmirësisht ndodhet jashtë rrezikut për jetën falë ndihmës së parë që mori nga stafi mjekësor dhe pankina e Apolonisë.
Pas këtij incidenti tifozët tentuan të hyjnë në fushë dhe shkatërruan hekurat, por nuk u lejuan nga forcat e policisë, të cilët shoqëruan disa prej tyre.
Discussion about this post