La Presidencën, kreu i OBSH-së ka një falenderim për Metën, ja mesazhi i tij

Kreu i Organizatës Botërore të Shëndetësisë Tedros Adhanom Ghebreyesus ka reaguar sot pas largimit të ish-kreut të Shtetit nga Presidenca.

Kreu i OBSH-së ka shpërndarë një foto me ish kreun e shtetit Ilir Meta në rrjetin social Twitter.

Ai falenderon Metën për përpjekjet për shëndetin e qytetarëve gjatë pandemisë së COVID, ndërsa i uron atij suksese në përpjekjet e ardhshme.

“Faleminderit presidentit Ilir Meta për përpjekjet tuaja dhe të vendit tuaj për të çuar përpara nismën shëndet për të gjithë shqiptarët gjatë pandemisë së COVID dhe mbështetjen tuaj të vazhdueshme për Organizatën Botërore të Shëndetësisë. Ju uroj suksese në përpjekjet tuaja të ardhshme”, shkruan ai.