Kryetari i PD, Sali Berisha ka komentuar operacionin e Policisë, SPAK e BKH qe zbuluan një laborator kokaine në Frakull të Fierit. Sipas Berishës, “ajo ishte fabrikë e miellit numër dy pas Xibrakës”.
Berisha iu referua denoncimit të qytetarit digjital për të përmendur dhe emrat e disa politikaneve, përveç kryeministrit Rama, për lidhje me laboratorin e drogës.
Lexo edhe: Porti i Durrësit, Berisha: Ahmetaj e refuzoi, e firmosi vetë Rama
Lidhur me zyrtarin e PS, drejtor në OST, që u arrestua se në vilën e tij u zbulua laboratori, Berisha tha: “Çervenaku është një Zoto apo Mërtir në sipërmarrjen e kokainës të qeverisë. Si ishin këta për djegësat, Viktor Çervenaku është një nëpunës në ndërmarrjen e qeverisë”.
Fjala e Berishës:
Ajo ishte fabrikë e miellit nr 2, pas Xibrakës. A ishin apo jo të njëjtit kolumbainë? Se ishin alkimistë super specialistë kokaine që shkrinin rrobat e dinin ta nxirrnin e ta ndanin kokainë, me të cilët Olsi Rama ishte familjare dhe një Genci Xhixha një ring lider që jeton në Kubë, djali i një militanteje të thekur të PS që punonte me Ramën, financuesi Ramës. Atë e nxori Olsi Rama nga Shqipëria dhe ne e kemi denoncuar. Shkuan nga Xibrana në Frakull.
Ajo zonë aty është pika e mjaltit e Edi Ramë në radhë të parë. Ju i keni parë fotot pasionante me drejtorin e burimeve njerëzore të OST që i kishte dorëzuar vilën partisë për laborator, për fabrikë mielli të bardhë.
Aty nuk është vetëm Edi Rama i përmendur janë dhe të tjerë, Gramozi, Reban Jaupi, Spiropali që përmenden nga qytetari digjital. Por këto janë për t’u verifikuar.
Çervenaku është një Zoto apo Mërtir në sipërmarrjen e kokainës të qeverisë. Si ishin këta për djegësat, Viktor Çervenaku është një nëpunës në ndërmarrjen e qeverisë. E shtronte me të drejtë një qytetar digjital pyetjen se si ka mundësi që ku shkon Taulant Balla ndërtohen fabrika mielli. Atëherë t’i përgjigjet drejtësia se unë skam, lidhjet e tij i kam denoncuar në mënyrë të përsëritur por dhe qytetari digjital të drejtë e kishte pyetjen.
Discussion about this post