Hetuesit e SPAK kanë arritur të zbardhin identitetin e kolumbianit tjetër që ishte rekrutuar për të ndarë kokainën nga plehu organik në Frakull të Fierit.
Sipas burimeve bëhët fjale për shtetasin F.B, i cili sipas SPAK ka njohje të mëparshme me kolumbianin tjetër Zamir Rodriges, i cili është shpallur në kërkim në kuadër të operacionit “Kosistenca”.
Nga verifikimet e kryera Zamir Rodriges ka marrë linjën e avionit nga Athina drejt Podgoricës.
Ky udhëtim është kryer me datën 13 korrik, datë kjo e cila konsiston me nisjen e ngarkesës së plehut organik të përzier me kokainë nga porti i Pireut drejt portit Luna Bar në Malin e Zi.
Por ndyshe nga bashkombasi i tij, kolumbiani F.B rezulton së nuk ka shkelur në territorin e Shqipërisë.
Referuar burimeve Zamir Rodrigez me datën 12 nëntor të këtij viti rezulton se ka shkuar në fshatin Fratar të Madh dhe pikërisht në ambientet e banesës së ish-kryetarit të komunës Viktor Çervanaku.
Po ashtu sipas transkriptimeve të bisedave, Rodriges ka marrë një sasi nga thaset me pleh që ishin të vendosura oborrin e shtëpisë.
Gjatë këtyre veprimeve rezulton se ai ishte nën shoqërinë e Bledar Matoshit, Redion Meshit dhe Julian Malaj.
Ngarkesa u bllokua më 25 nëntor 2022 në banesën e ish kryekomunarit në Frakull të Madhe të Fierit.
Discussion about this post