Një ngjarje e rëndë është shënuar në shkollën 9-vjeçare “Mark Trokthi” në Laç, ku rreth orës 09:00 kur nxënësit ishin në mësim, ka pasur një shpërthim te një pajisje elektrike duke shkaktuar shkëndija zjarri ndërsa ambientet e brendshme të shkollës janë mbuluar nga tymi.
Sipas burimeve, menjëherë janë evakuuar nxënësit dhe mësuesit, ndërsa në vendin e ngjarjes kanë mbërritur zjarrfikësit duke shuar flakët.
Fatmirësisht nga ky zjarr nuk ka pasur persona të lënduar përveç dëmeve materiale, ndërsa mësohet se ka nisur një hetim lidhur me shkaqet e zjarrit.
Discussion about this post