E shtuna vjen me dy përballje interesante: Laçi pret Elbasanin, Partizani sfidon Teutën

ava e parë e kampionatit shqiptar (Superiore) do të vijojë sot me dy ndeshje, të cilat do të luhen në të njëjtin orar, 16:00.

Në Laç, skuadra vendase do të përballet me Elbasanin, në një duel që pritet të jetë mjaft interesant. Laçi, i rikthyer në elitë pas triumfit në Kategorinë e Parë, do të kërkojë një rezultat pozitiv përballë një ekipi që sezonin e kaluar u rendit në vendin e dytë.

Përballja do të ketë interes edhe në pankinë, pasi përballë do të jenë Qatip Osmani dhe Ivan Gvozdenoviç, dy trajnerë me eksperiencë në futbollin shqiptar.

Në të njëjtën orë, në kryeqytet, Partizani do të presë Teutën. Për trajnerin e “demave”, Florin Bratu, kjo sfidë përbën një test të rëndësishëm për të matur forcën e skuadrës së tij në nisje të sezonit.

Nga ana tjetër, Teuta vjen me Edlir Tetovën në stol. Trajneri durrsak është një emër i afirmuar në futbollin shqiptar, pasi ka arritur suksese të rëndësishme me Egnatian.

Të dyja ndeshjet premtojnë rivalitet dhe pikë të rëndësishme për skuadrat, të cilat kërkojnë ta nisin sa më mirë sezonin e ri.

Ndeshjet e sotme:

16:00 – Laçi – Elbasani

16:00 – Partizani – Teuta