Laçi ka mundur që të sigurojë tre pikë nga ndeshja me Kastriotin, duke u ringritur kështu nga vendi i fundit ku ndodhej pas pesë javëve kampionat.
Ndërsa Teuta i ka treguar forcën e kampionit Egnatias, e cila e shihte këtë sfidë si një matës së forcës së tyre.
Pjesa e parë e sfidës që u luajt në stadiumin e Kamzës përfundojë me barazimin 0-0, teksa do të duhej minuta e 72-ë e ndeshjes që ‘Bardhezinjtë’ të merrnin avantazhin dhe të siguronin për herë të parë një tre pikësh në këtë sezon.
Teksa nga ana tjetër Teuta i është rikthyer fitoreve, pasi mundi me rezultatin 0-1 në transfertë ekipin e Rrogozhinës. Egnatia kishte marrë rezultate pozitive deri më tanë dhe po tregonte se ishte surpriza e këtij sezoni, megjithatë nuk ka mundur që të triumfojë ndaj kampionëve ende në fuqi.
Golin e vetëm për durrsakët u shënua në minutën e 80-ë, pasi pavarësisht tentativave deri në atë moment nuk po mundën të realizonin.
Aktualisht Laçi renditet në vend të shtatë me pesë pikë, Kastrioti në vend të nëntë me katër pikë, Egnatia në vend të pestë me tetë pikë, ndërsa Teuta në vend të dytë me 11 pikë, po aq sa ka edhe Tirana e vendit të parë.
Megjithatë janë ende dhe pjesa tjetër e takimeve të javës së gjashtë pa u zhvilluar, që të përcaktohet edhe renditja përfundimtare pas këtij raundi./K.T/Gijotina.com
