Gara në Abissnet Superiore sa vjen e bëhet edhe më interesante. Fitoret e Kastriotit dhe Egnatias një ditë më parë e kanë vënë në pozitë të vështirë edhe Teutën, që sot ka një transfertë të vështirë ndaj Laçit në orën 13:45.
Kampionët në fuqi kanë nevojë urgjente për pikë, ndaj kurbinase që në kanë marrë vetëm tre pikë në katër javët e fundit. Laçi i Josës duhet të fitojë gjithashtu, për të ruajtur diferencën prej 10 pikësh me Tiranën dhe për të mos lejuar Kukësin të ngushtojë diferencën.
Verilindorët sot luajnë në Korçë, në orën 16:45, kundër Skënderbeut. Për skuadrën e Skënder Gegës mund të jetë treni i fundit për mbijetesën, pasi një shkëputje me 9 pikë me Egnatian do bëhej gati e parikuperueshme.
Sot luhet edhe një ndeshje e Kategorisë së Parë në orën 14:00. Apolonia, që do të qëndrojë në gjashtëshen e parë, pret Bylisin që pas fitores së Erzenit dje kërkon tre pikët për të mos e lëshuar kreun e klasifikimit.
Discussion about this post