Laçi thyen Erzenin në miqësore, Kastrioti e pëson nga Dinamo

Laçi dhe Kastrioti kanë zhvilluar miqësoret e fundit para nisjes së Superiores. Kurbinasit u përballën me Erzenin e rikthyer në elitë.

Nënkampionët e sezonit të shkuar triumfuan me rezultatin e pastër 2-0. Adeleke shënoi në pjesën e parë, ndërsa më pas realizoi edhe mbrojtësi Velkoski.

Krutanët ndërkohë u përballën me Dinamon dhe u mundën 1-2 nga ekipi i rënë në Kategorinë e Parë.

Blutë shënuan me Dennison dhe Markun në fillim të ndeshjes, kurse për Kastriotin rrugën e rrjetës e gjeti Xhulio Mehmeti.