Laçi ka fituar me rezultatin 1-0 ndaj Tiranës, duke shënuar në minutën e 90 dhe duke marrë 3 pikët e raundit të 13 të Superligës.
Fraksioni i parë i ndeshjes së luajtur në stadiumin e Laçit tregoi dy skuadra në super formë, ndonëse ‘Bardheblutë’ ishin më konkretë në veprime edhe pse nuk mundën të realizonin.
Loja u përqendrua më shumë në mesfushë, me të dyja ekipet që tregoheshin të kujdesshme në çdo gjuajtje. Nga ana e Tiranës u bë një ndryshim i detyruar me Filip Najdovski që nuk po ndjehej mirë, teksa në vend të tij hyri Gentian Muça.
Teksa 45-minutshin e dytë ‘Bardheblutë’ tentuan të ishin më këmbëngulës, por sërish nuk mundën që të realizonin.
Do të duhej minuta e fundit e kohës së rregullt, pra e 90 që Regi Lushkja t’i jepte fitoren ekipit të Laçit nga pika e bardhë e penalltisë.
Pas kësaj ndeshje Tirana qëndron në vend të parë me 27 pikë, teksa kurbinasit kalojnë në vend të katërt me 21 pikë./K.T/Gijotina.com
Discussion about this post