Skuadra e Mauricio Sarrit dominoi plotësisht sfidën ndaj Venecias, e cila nuk po arrin të largohet nga zona e ftohtë e klasifikimit. Lacio ka mundur me shifrat 1-0 Venecian, por kaq i ka mjaftuar për të parë veten përsëri në garë për një vend në zonën Champions, edhe pse ka para Juventusin që është disi i shkëputur në renditje.
Me Strakoshën e Hysajn titullarë, por të shqetësuar shumë pak në fazën mbrojtëse, Lacio kërkoi në çdo mënyrë të gjete golin, por e siguroi atë vetëm me një penallti të transformuar saktësisht nga Imobile në minutën e 58.
Ky ishte goli i 21-të i sulmuesit në këtë sezon, duke kaluar përsëri Vlahoviç në renditjen e golashënuesve më të mirë. Një gol që mjaftoi për tre pikët dhe që sheh tani Lacion me 7 pikë pas Juventusit, por me një pikë avantazh ndaj Romës me të cilën luan derbin në fundjavë.
Discussion about this post