Lady Gaga më mahnitëse se kurrë në premierën e “House of Gucci”

Këngëtarja me famë botërore, Lady Gaga, nuk lë asnjëherë pa mahnitur me shijet dhe stilin e saj të veçantë.

Kjo gjë u vu re përsëri edhe në tapetin e kuq të premierës së “House of Gucci” që u mbajt më 13 nëntor, në Milano, ku 35-vjeçarja u pa e veshur me një fustan të personalizuar të “Versace”, i cili ishte me një stil të çarë deri në shalë dhe pjesë të gjatë lëshuar prapa.

“Kam qarë gjatë gjithë ditës duke u paraqitur për mediat në Milano. Jam shumë mirënjohëse dhe e përulur që jam në filmin tonë ‘House Of Gucci’. Po vjen Dita e Falënderimeve!” – shkroi ajo në një foto në Instagram.

Filmi tregon pasojat e vdekjes së Maurizios pasi Reggiani punësoi një vrasës me pagesë për ta vrarë atë në 1995. Reggiani, tani 72 vjeç, kreu 18 vjet burg dhe u lirua në vitin 2016, por ajo ende pretendon se u dënua gabimisht.

Në “House of Gucci” luajnë  gjithashtu yjet si: Al Pacino,  Jeremy Irons,  Jared Leto,  Salma Hayek,  Reeve Carney dhe Jack Huston . Filmi debuton në kinema më 24 nëntor.