Lady Gaga mbeti mjaft e shokuar nga një grabitje e tmerrshme me armë në vitin 2021, kur hajdutët ia rrëmbyen dy nga tre bulldogët e saj francezë. Njëri prej tyre ka mundur të shpëtojë falë mbajtësit të tij, i cili u qëllua nga grabitësi. Kjo ishte traumatike për të, kështu që ajo vendosi një shpërblim prej 500,000 dollarësh për këdo që mund t’i kthente kafshët e saj shtëpiake.
Një grua, Jennifer McBride, arriti t’i kthejë ata shëndoshë e mirë. Pra, Lady Gaga do t’i jepte paratë që i ofroi. Por gjithçka ndryshoi kur dy muaj më vonë tre hajdutët u arrestuan për grabitjen dhe tentativën e vrasjes. Përveç tre të arrestuarve, ishte edhe një grua e dyshimtë që i kishte ndihmuar. Dhe ai bashkëpunëtor ka qenë personi që i ka kthyer qentë këngëtares.
Shpëtimtari u akuzua si bashkëpunëtor në vjedhjen e qenve të Lady Gaga-s. Avokati i të dyshuarit argumentoi se ajo nuk kishte ‘absolutisht asnjë përfshirje në vjedhjen e qenve’ dhe ishte thjesht ‘një grua që i do qentë’. Pasi mësoi për akuzat, Lady Gaga refuzoi të paguante shpërblimin dhe kështu Jennifer McBride e paditi artisten. Gaga i kërkoi Gjykatës së Lartë të Drejtësisë në Los Angeles që të rrëzojë padinë.
“Paditësja Jennifer McBride kërkon të përfitojë nga përfshirja e saj në një krim. Ligji nuk e lejon një person të kryejë një krim dhe më pas të përfitojë prej tij.”
Megjithatë, ajo mohon gjithçka dhe akuzon Lady Gaga-n për mospërmbushje të kontratës dhe reklama false. Ajo kërkon që Lady Gaga të paguajë dëmshpërblimin e saj për “ankthin mendor dhe humbjen e kënaqësisë së jetës”. Do të duhet të presim deri më 10 korrik për të parë se çfarë vendos seanca për këtë çështje./SHQIP
Discussion about this post