Laert Haxhiu, i dënuar me burg përjetë nga Apeli i GJKKO-së për masakrën e Lushnjes, ka bërë rekurs në Gjykatën e Lartë ndaj këtij vendimi. Haxhiu prej tre javësh është transferuar në burgun e sigurisë së lartë të Drenovës.
Ndërkohë, avokati mbrojtës i tij, Detaj Hysi, i cili dorëzoi në gjykatë rekursin, në argumentet ligjore shprehet se Apeli i GJKKO-së ka tejkaluar kopentencat. Më tej, avokati thotë se vendimi nuk është në përputhje me ligjin dhe se kjo rrezikon të hapë një tjetër sagë vrasjesh në Lushnje. Sipas avokatit, Haxhiut i cënohet jeta në vendin tonë. Po ashtu shton se një anëtarët e trupit gjykues të Apelit të GJKKO-os ka votuar për pafajasi për masakren.
Dënimi ndaj Haxhiut u dha për vepra penale si “Grupi i strukturuar kriminal”, “Kryerja e veprave penale nga organizata kriminale ose grupi i strukturuar kriminal”, “Vrasja në rrethana të tjera cilësuese”, “Mbajtja pa leje dhe prodhimi i armëve, armëve shpërthyese dhe i municionit” dhe “Prishja e qetësisë publike”.
Masakra e Lushnjes
Më 11 shtator 2017, në një lokal në qytetin e Lushnjes, Laert Haxhia dhe Orges Bilbili hynë në lokalin ku ndodhej Zamir Latifi, Jurgen Hoxha, Xhulio Shkurti, për të ekzekutuar Shkurtin, pas dështimit të atentatit të vitit 2015. Shkurti ishte objektivi i kësaj masakre, i cili është nipi i Aldo Bares.
Me automatik në krah ata hynë duke qëlluar dhe lanë të vdekur në vend dy të rinjtë, ndërsa Shkurti në këtë moment, ia doli që të shpëtonte pasi nuk ndodhej aty. Nga ngjarja mbetën të vdekur Zamir Latifi dhe Jurgen Hoxha, ndërsa u plagosën Marius Xhepexhiu, pronar i lokalit ku ndodheshin dy viktimat si dhe një kalimtar.
Discussion about this post