Emisari i Bashkimit Europian për dialogun Kosovë– Serbi do ta takojë në New York presidentin serb, Aleksandar Vuçiç, shkruajnë mediat e huaja. Presidenti Aleksandër Vuçiç do të marrë pjesë edhe në pritjen e organizuar nga kancelari gjerman Olaf Scholz për pjesëmarrësit e Asamblesë së Përgjithshme.
Programi i pjesëmarrjes së presidentit Vuçiç përfshin gjithashtu një takim të veçantë me përfaqësuesin special të Bashkimit Evropian për dialogun ndërmjet Beogradit dhe Prishtinës dhe çështjeve të tjera rajonale të Ballkanit Perëndimor, Miroslav Lajçak, si dhe një drekë jozyrtare për liderët e Ballkanit Perëndimor, një ftesë e Përfaqësuesit të Lartë të Bashkimit Evropian për Punë të Jashtme dhe Politikë të Sigurisë dhe Zëvendës Presidentit të Komisionit Evropian nga Josep Borelli.
Gjatë qëndrimit në New York, Vuçiç do të takohet me Sekretarin e Përgjithshëm të Kombeve të Bashkuara, Antonio Guterres, Presidentin e Konfederatës Zvicerane, Alan Berse, Presidentin e Republikës së Koresë, Jun Seok-yol, Presidentin e Republikës së Surinamit, Chandrikapersad Santohi, zëvendëspresidentin e Komisionit Evropian, Maros Sevcovic, si dhe zyrtarë të shumtë të vendeve pjesëmarrëse.
Discussion about this post