Lajçak takohet me Ramën në New York: Fokusi i diskutimit ishte…

Kryeministri Edi Rama është takuar me të dërguarin e BE-së për dialogun Kosovë-Serbi, Miroslav Lajçak, në prag të Asamblesë së Përgjithshme të Kombeve të Bashkuara që do të mbahet në New York.

Lajmi është bërë me dije nga i dërguari special i BE. Përmes një postimi në rrjetet sociale, Lajçak thekson se me Ramën kanë diskutuar për situatën në Ballkanin Perëndimor.

“Pata një takim shumë të dobishëm me Edi Ramën në prag të Asamblesë së Përgjithshme të Kombeve të Bashkuara. Ne diskutuam situatën në Ballkanin Perëndimor. Mirënjohës për njohuritë dhe mbështetjen e tij për dialogun e lehtësuar nga BE-ja”, shkruan Lajçak për takimin me Ramën.

Had a very useful meeting with @ediramaal in the margins of #UNGA. We discussed the situation in the Western Balkans. Grateful for his insights and support to the ??-facilitated Dialogue. pic.twitter.com/Zg78i7Buze

— Miroslav Lajčák (@MiroslavLajcak) September 20, 2022