Kryetari i Partisë Demokratike, Lulzim Basha, ka shprehur mesazh ngushëllimi për largimin nga jetë të komentatorit legjendar të sportit shqiptar, Vladimir Grillos. Me anë të një postimi në Twitter, Basha shkruan se ky është një lajm i hidhur, pasi zëri i fortë dhe imazhi i paqtë i Ladit, na kanë shoqëruar nga fëmijëria e hershme, duke na sjellë më pranë me sportin dhe sukseset e sportistëve tanë brenda dhe jashtë vendit.
“Ndarja nga jeta e komentatorit legjendar të sportit shqiptar Vladimir Grillos është lajm hidhërues. Zëri i fortë dhe imazhi i paqtë i Ladit, na kanë shoqëruar nga fëmijëria e hershme, duke na sjellë më pranë me sportin dhe sukseset e sportistëve tanë brenda dhe jashtë vendit. Ai do të mbahet mend gjatë si njeriu që përmes radios dhe tv na përcolli me ngrohtësi dhe profesionalizëm emocionet dhe ngjarjet kryesore të sportit shqiptar dhe botëror për dekada. U prehtë në paqe!” – shkruan Basha.
Discussion about this post