Një aksion policor është zhvilluar ditën e sotme në kryeqytet teksa në pranga kanë rënë 8 persona. Fillimisht shtë bërë arrestimi në flagrancë i B. C., 64 vjeç, pasi në lokalin e tij, ushtronte aktivitetin e kundraligjshme të lojrave të fatit. Sakaq, në cilësinë e provës materiale janë sekuestruar tavolinë pokeri, 6 paisje kompjuterike, një shumë parash dhe dy aparate celular.
Po ashtu në pranga ka rënë edhe P. V., 27 vjeç, i shpallur në kërkim për veprën penale “Vjedhja me dhunë” e mbetur në tentativë, pasi më datë 23.08.2021, në Bulevardin “Zhan D’ark”, ka tentuar ti vjedhi me dhunë telefonin dhe një shumë lekësh,brenda mjetit të shtetases B. Xh.
Prangave të policisë nuk i kanë shpëtuar as A. P., 25 vjeç, pasi duke qenë me masë sigurie “Arrest shtëpie”, është larguar nga vëndi i qëndrimit, dhe është konstatuar jashtë banese;
Ndër të tjera në njoftimin për shtyp policia ka bërë të mundur arrestimin e U. Ç., 41 vjeç, pasi ka thyer masën e sigurisë personale “Arrest shtëpie” të vendosur nga Gjykata, dhe është konstatuar jashtë banese.
Po ashtu u bë arrestimi në flagrancë për veprën penale “Përndjekja” i P. B., 57 vjeç, pasi ka përndjekur dhe shantazhuar për të kryer marrëdhënie seksuale një shtetase 20-vjeçare.
Si edhe I E. Z., 38 vjeç dhe A. B., 27 vjeç, pasi u kap duke drejtuar mjetet përkatëse në gjendje të dehur.
Sakq, më datë 30.08.2021, u referuan materialet në Prokurorinë Pranë Gjykatës së Shkallës Parë Tiranë dhe punohet për shoqërimin e G. V., sepse në muajin Mars të Vitit 2020, me anë të mashtrimit i ka marrë një shumë parash T. Sh.
