Akuzat për tjetërsim pronash, Apeli lë në burg vëllain e ish deputetit socialist

Gjykata e Posaçme e Apelit për Korrupsionin dhe Krimin e Organizuar, ka lënë në fuqi dënimin me 13 vite burg për Gjevi Ndokën, vëllain e ish deputeti socialist, Arben Ndoka. Gjevi Ndoka u dënua për shkak se akuzohet për tjetërsim pronash në bregdetin e Shëngjinit.

Më parë bashkë me Gjevi Ndokën është dënuar dhe Mimoza Ndoka. Të dy janë vëllai dhe motra e ish deputetit të Partisë Socialiste në Lezhë, Arben Ndoka, ndërsa prokuroria iu ka sekuestruar pasuri me vlerë 55 mln euro. Bëhet fjalë për 300 mijë metra katror në 75 pasuri të ndryshme që tashmë i kalojnë shtetit.

Gjykata e Posaçme e Apelit për Korrupsionin dhe Krimin e Organizuar, me trup gjykues të përbërë nga gjyqtarja Miliana Muça, vendosi sot lënien në qeli të Ndokës, dënim që do të kryhet në një burg të sigurisë së lartë.