Drejtori i Përgjithshëm i Burgjeve, Admir Abrija do të prezantojë sot Drejtorin e ri të burgut të Reçit, Seit Vuçaj. Ky emërim vjen pas arrestimit të drejtorit të komanduar Ervis Zika, nën akuzën e shpërdorimit të detyrës. Zika dyshohet se ka shpërdoruar detyrën, duke lejuar futjen e mallrave pa kontroll për të dënuarit, si dhe ka marrë karburant duke firmosur kartela fiktive.
Përveç ish-drejtorit nën hetim janë dhe punonjës të tjerë në këtë institucion. Arrestimi i Zikës u krye nga Shërbimi i Kontrollit të Brendshëm të Burgjeve , ndërsa urdhëri për arrestimin është dhënë nga prokuroria e Rrethit Gjyqësor Shkodër.
Gjatë mbrëmjes së djeshme u ekzekutua urdhëri i Prokurorisë se Rrethit Gjyqësor Shodër, në zbatim të vendimit të Gjykatës së Rrethit Gjyqësor Shkodër me Nr.262 datë 25.04.2022, e cila ka vendosur caktimin e masës së sigurimit personal “Arrest me burg“ dhe “Pezullimi i ushtrimit të një detyre a shërbimi publik” parashikuar nga neni 238 dhe 240/a të K.Pr. Penale, ndaj shtetasit Ervis Zika.
Discussion about this post