Pasditen e sotme janë vënë në pranga pesë persona, mes tyre edhe një efektiv i forcave RENEA të grupit që operon në Tiranë. Mësohet se prangosja e pestë personave është në kryeqytet, gjatë zhvillimit të një operacioni antidrogë.
Efektivi i forcave RENEA, është Rael Luli, ndërsa emrat e katër personave të tjerë nuk janë zbardhur ende. Nuk është bërë ende e ditur roli që ka pasur efektivi Luli dhe arsyeja që është arrestuar.
Nga operacioni në zonën e ish-parkut të autobusëve është sekuestruar një sasi lënde narkotike, kokainë. Pritet që të zbardhen detaje nga momenti në moment, ndërsa nga Policia e Shtetit nuk ka asnjë njoftim.
