SPAK ka kryer sot një kontroll blic për korrupsion në sistemin e drejtësisë, nga ku ka vënë në zbatim edhe disa urdhër arreste. Sipas të dhënave të siguruara, është vënë masa arrest shtëpie për gjyqtaren në Gjykatën e Rrethit Gjyqësor, Elbasan. Ajo akuzohet se ka marrë rryshfet kundrejt lehtësimit të masës për një të arrestuar. Gjithashtu, i janë vënë prangat Ilir Pashaj , avokat mbrojtës. Ndër të tjera bëhet me dije se, janë ekzekutuar masat e sigurimit “Arrest në burg” për shtetasit T.R. dhe Xh.M. Është ekzekutuar masa e sigurimit “Arrest në shtëpi”, parashikuar nga neni 237 i Kodit Procedurës Penale edhe për shtetasin A.T.
Prokuroria e Posaçme kundër Korrupsionit dhe Krimit të Organizuar, ka kryer hetime në kuadër të procedimit penal nr.209 të vitit 2021, për veprat penale “Korrupsioni aktiv i gjyqtarit, prokurorit dhe funksionarëve të tjerë të drejtësisë”, në bashkëpunim, nga ku ka kapur në shkelje emrat e lartpërmendur.
Sipas të dhënave, fakti penal i hetuar, lidhet me një rast të korrupsionit aktiv/pasiv në sistemin e drejtësisë (në qytetin e Elbasanit), ku persona të interesuar/familjarë të një shtetasi të arrestuar në bashkëpunim me avokatin mbrojtës, i kanë ofruar gjyqtarit të çështjes një shumë monetare me qëllim favorizim në caktimin e masës së dënimit. Ndërsa vazhdojnë më hetimet dhe vënia në zbatim i masave të tjera.
Discussion about this post