Policia ka reaguar për aksidentin e ndodhur pak minuta më parë në aksin rrugor Tiranë-Elbasan.
Sipas policisë ngjarja është shënuar konkretisht rreth orës 12:15, ku brenda në tunel, mjeti tip “Ford “, me drejtues V.L., 36 vjeç, banues në Tiranë është përplasur me mjetin tip “Audi”, me drejtues O.Sh., 30 vjeç, banues në Lushnjë .
Uniformat blu japin detaje se si pasojë e përplasjes janë dëmtuar 3 persona të cilët ishin pasagjerë në mjetin tip “Ford”, dhe ndodhen jashtë rrezikut për jetën.
Sakaq, grupi hetimor ndodhet në vendngjarje dhe po punojnë për zbardhjen e shkakut të aksidentit.
