Kryeministri Edi Rama është përplasur me një nga gazetarët gjatë konferencës së përbashkët me homologun kosovar Albin Kurti duke mos e lënë të përfundojë pyetjen.
Teksa gazetari po e pyeste nëse kishte në plan të rrëzonte qeverinë në Kosovë, Rama i ndërpret fjalën duke mos e lënë të flasë për të shfrytëzuar momentin dhe dhënë përgjigjen që dëshiron.
Debati:
Gazetari: Doja të bëja një pyetje në lidhje me atë që qarkulloi në media, por vetë Rama ju përgjigj pa e pyetur.
Edi Rama: Për cilën?
Gazetari: Për atë që do rrëzoni qeverinë Kurti
Edi Rama: Jo, jo, jo, nuk i jam përgjigjur unë asaj dhe ti faleminderit që ma the, t’i përgjigjem
Gazetari: Ja të vazhdoj me pyetjet
Edi Rama: Jo, jo do vazhdosh ti pasi të flas unë
Gazetari: Po jam në të drejtën time
Edi Rama: Nuk e dija që gjithë korpusi i pyetjeve ishte i natyrës së pyetjes së parë. Ndoshta u nxitova, kërkoj ndjesë. Pyetjet ishin Prishtina Coffe Nees, çfarë flitet kafeve të Prishtinës. Ne jemi duke përgatitur një rezolutë dhe unë do shkoj personalisht në Strasburg, për t’iu drejtuar KE-së. Pabazueshmëria totale e raportit të Dick Marty dhe influenca ruse mbi këtë përrallë të trafikut të organeve”, vazhdoi Rama.
Discussion about this post