Të arrestuarit e operacionit ‘Trinomi’ në tre burgjet e vendit, Elbasan, Korçë dhe Peqin kanë dalë sot para gjykatës në Elbasan, ku janë njohur me masat e sigurisë.
Mësohet se 13 prej të arrestuarve kanë mbërritur në Gjykatën e Elbasan, mes tyre dhe shefi i paraburgimit në Elbasan, Hysni Ndreu. Ky i fundit u la në burg bashkë me të arrestuarit e tjerë: Gazmir Meta, Elvis Gjoci, Gentian Gjata, Gentian Mino, Dardan Xhahysa, Mikel Gjella, Klevis Deliaj, Genci Xhahysa, Ervin Velia dhe Rigers Miha.
Trupi gjykues kryesohet nga Idush Maliqi, ndërsa akuza përfaqësohet nga Drejtuesi i Prokurorisë së Elbasanit Kreshnik Ajazi dhe Prokurori Ritvan Sukaj. Akuzat ishin për faktin se këta persona në bashkëpunim me njëri-tjetrin fusnin në ambientet e burgut sende të kundraligjshme dhe lëndë narkotike.
Nga operacioni u arrestuan 28 persona, 13, zyrtarë në qeli, 2 arrest shtëpi dhe 13 janë të dënuarit që u është komunikuar vepra e re penale me të cilën do të përballen përpos dënimit që po vuajnë.
Discussion about this post