Teksa sezoni për kultivimin e kanabisit nuk ka mbaruar ende, policia e shtetit vijon kontrollet blic për të parandaluar këtë veprimtari kriminale. Një tjetër rast është konstatuar në Tropojë , ndërsa në pranga ka rënë një 31-vjeçard dhe është vënë në hetim inspektori për Pyjet dhe Mjedisin, për shpërdorim detyre dhe moskallëzimi krimi.
Bëhet fjalë konkretisht për të arrestuarin me emrin Gëzim Prengzaj, 30 vjeç, banues në fshatin Lekurtaj, i cili është kapur duke kultivuar kanabis sipër bjeshkës së fshatit Vilisht.
Ndërsa I. Sh., me detyrë inspektor për Pyjet dhe Mjedisin në bashkinë Tropojë, pritet të përballet me veprat penale “Moskallëzimi i krimit” dhe “Shpërdorimi i detyrës”, pas përfundimit të plotë të hetimit nga ana e ekspertëve.
