Historia kriminale e të arrestuarit për vrasjen e Bullarit, njihej si hajdut serial
39-vjeçari Bledar Selmanaj, i cili u arrestua nga policia e Vlorës si i dyshuar për vrasjen e të riut Xhuljano Bullari, i cili u gjet i ekzekutuar në makinën e tij në zonën e Babicës, njihet nga uniformat blu si person me precedentë të theksuar kriminalë në fushën e vjedhjes.
Burimet policore bënë me dije se ai rezulton si hajdut serial, ku aktivitetin kryesor kriminal e ka pasur në Tiranë. Ai është arrestuar disa herë në Tiranë për vjedhje dhe kishte pak kohë që ishte liruar nga burgu, ku vuante dënimin për grabitje me dhunë. Ai ka qenë i arrestuar që në vitin 2012, kur iu dokumentuan 5 vjedhje, ndërkohë që në atë kohë deklaroi se i kryente vjedhjet, pasi nuk kishte para për t’u ushqyer.
Policia tha se për sa i përket autorit të ngjarjes, ai është një hajdut peofesionist i cili i ka shpëtuar disa herë ndjekjeve të policisë. Ai ndryshonte pamjen sa herë ishte në kërkim, ku lyente flokët.
Në muajin mars të këtij viti, ai kishte denoncuar nga burgu se dhunohej nga gardianët. Në atë kohë, ai ndodhej në spitalin e burgut dhe deklaronte se vuante nga një mpiksja e gjakut, ndërkohë që spitali i burgut nuk i ofronte shërbimin shëndetësor, por i bënin gjilpëra, duke e lënë pa ndjenja./Gijotina.com/
