Japonia bën surprizën e madhe: Mund Spanjën 2-1 dhe kualifikohet si kokë e grupit H. E dyta e kualifikuar është Spanja. Ndërkohë, jashtë mbeten Kosta Rika dhe Gjermania.
Një dështim ky për Gjermaninë që nuk kalon dot grupet për të dytin turne të Botërorit radhazi.
Gjermania fitoi 4-2 përballë Kosta Rikës në një sfidë plot emocione, por humbja e Spanjës 1-2 ndaj Japonisë solli eliminimin e katër herë kampionëve të botës! Japonia përmbysi rezultatin në minutat e para të pjesës së dytë dhe ia doli ta ruante avantazhin deri në fund përballë një Spanje pa motiv.
Në ndeshjen ndaj Kosta Rikës, ekipi i drejtuar nga Hansi Flick fitoi 4-2, por nuk arriti të kalonte Grupin E. Gnabry kaloi në avantazh gjermanët që në minutën e 10, por Tejeda (58’) dhe Vargas (70’) përmbysën rezultatin. Ishte Havertz që ktheu gjithçka në favor të Gjermanisë me dy gola në minutat 73 dhe 85, dhe Fullkrug në minutën e 91 për t’i dhënë Gjermanisë një fitore pa vlerë, pas rezultatit të Spanjës.
Spanjollët u mposhtën 2-1 nga Japonia, me aziatikët që morën vendin e parë në grup, ndërsa spanjollët të dytin.
Discussion about this post