Një ngjarje e rëndë ka ndodhur pak më para në lagjen “1 Maj”, në Fier, ku në një banesë të pabanuar, është gjetur i pa jetë, shtetasi Erald Mejdani, 36 vjeç, banues në Mallakastër.
Nga këqyrja paraprake nuk dallohen shenja dhune (dyshohet se vdekja mund të ketë ardhur nga përdorimi i lëndëve narkotike).
Mësohet se ky shtetas është shpallur në kërkim në datë 19.01.2021 nga Komisariati i Policisë Mallakastër pas denoncimit të bërë nga babai i tij për largim nga banesa.
Po ashtu në afërsi të rotondos së fshatit Kolonjë, Lushnje, është gjetur i shtrirë në rrugë, pa shenja jete, shtetasi E. G., 84 vjeç, banues në fshatin Rrapëz, Lushnje.
Dyshohet se vdekja mund të jetë për shkaqe natyrale. Grupet hetimore po punojnë për sqarimin e rrethanave të ngjarjeve
Discussion about this post