U mbyt në lumin Fan, gjendet trupi i 10-vjeçarit

Është gjetur trupi i 10-vjeçarit që u mbyt në lumin Fan, pas 14-ditësh kërkime. Ngjarja e rëndë ka ndodhur në momentin kur 10-vjeçari ishte futur në ujë për të kapur topin pasi kishte qenë duke luajtur me fëmijët e tjerë.

Mësohet se i mituri është rrëmbyer nga rrjedha e lumit.Menjëherë nisën kërkimet për gjetjen e trupit të të miturit, ndërsa familja Laska prej ditësh kishte hapur dyert e mortit.

Ngjarja

5 ditë më parë  u zhvilluan kërkime në urën aty pranë, e prishur prej disa kohësh, pasi dyshohej se trupi i të miturit mund të kishte ngecur në të.

10-vjeçari u mbyt pasi ishte duke luajtur me shokët e tij dhe i përfundoi topi në lumë. Topi për të cilin rendi i mituri dhe u mbyt u gjet, 20 km larg vendit ku luanin fëmijët.

Pjesë e kërkimeve ishin 17 palombarë të ardhur nga Tirana si dhe banorët e zonës të cilët dolën vullnetarë për të ndihmuar në gjetjen e trupit të të miturit.