“Homeland Justice”, grupi i hakerave që ka marrë përsipër sulmet kibernetike ndaj institucioneve shtetërore dhe së fundmi ndaj bankës “Credins”, ka publikuar këtë të Hënë të tjera të dhëna.
Përmes një postimi në Telegram, grupi ka publikuar disa databaza me llogari bankare të firmave private, institucioneve publike dhe individëve.
Mes tyre janë kompani privare si Salillari, institucione publike si OST, Albpetrol, apo edhe individë, emra publikë si ish-ministri i Brendshëm Sandër Lleshaj.
Në tabelën që përmban dhjetë kollona shkruhet emri i subjektit, numri i llogarisë, shuma aktuale e gjendjes së barave që kanë në bankë.
Më tej vijohet me të dhënat personale, si numri i celularit të subjektit që i janë publikuar të dhënat, e-mailin dhe adresën.
Krah dokumentit, hakerat kënë dhe një mesazh.
“Sipas jush, në cilën bankë i kanë pastruar pushtetarët e korruptuar të Shqipërisë paratë që i kanë marrë Muxhahedinet? Ju specifikoni bankën tjetër!”- shkruajnë ata fuke paralajmëruar të tjera sulme në vijim.
Hakerat iranianë kanë nisur një varg sulmesh prej muajsh. Së fundmi ata bënë me dije se kanë hakeruar dhe serverat e Credins Bank, por vetë banka njoftoi se të gjitha llogaritë e të dhënat e klientëve kanë mbetur të paprekura dhe se ishte cënuar vetëm një sistem periferik. Hakerat kanë publikuar dhe certifikatat e sigurisë të punonjësve të Ministrisë, ndërsa më herët sfiduan kryeministrin Edi Rama me publikimin e listës së zgjedhësve. Të dhëna të tjera që janë publikuar prej tyre janë patentat, targat, pagat si dhe listën e punonjësve të SHISH. Ata kanë publikuar dhe të dhënat personale të kryepolicit Muhamet Rrumbullaku, kreut të SHISH, Helidon Bendo, nënkryetarit Oljan Kanushi, ish-drejtorit të Policisë së Shtetit, Gledis Nano si dhe e-mailet e këtij të fundit.
Discussion about this post