I riu vret veten në Himarë (Detajet e para)

Një i ri i ka dhënë fund jetës në Kuç të Himarës këtë pasdite, njoftoi policia lokale.

Sipas të njëjtave burime, viktima është një 32-vjeçar i cili vuante nga probleme të shëndetit mendor.

“Rreth orës 20:35, në fshatin Kuç, Himarë, dyshohet se është vetëvrarë me armë gjahu, në afërsi të banesës së tij, shtetasi S. B., 32 vjeç, i cili paraprakisht dyshohet se vuante nga probleme të shëndetit mendor”, thuhet në njoftimin paraprak të bluve.

Grupi hetimor ndodhet në vendngjarje dhe po punon për sqarimin e plotë të rrethanave të ngjarjes, shtuan të njëjtat burime.